Gníomhaíochtaí Scoile

Tumoideachais

Is é cur chuige an tumoideachais atá leagtha amach mar chur chuige oideachais sa bPolasaí don Oideachas Gaeltachta 2017-2022 atá againn sa scoil. Tá sé cruthaithe go h-idirnáisiúnta gurb é seo an bealach is fearr chun caighdeán Gaeilge an chainteora dúchais agus an fhoghlaimeora Gaeilge a threisiú. Cuideoidh an cur chuige seo leis an gcainteoir dúchais agus leis an bhfoghlaimeoir caighdeán ard oideachais a bhaint amach as Gaeilge.

Sa scoil againne, is léir dúinn go bhfuil ag éirí go han-mhaith le córas an tumoideachais. Sna Naíonáin Bheaga agus sna Naíonáin Mhóra,;is as Gaeilge amháin a bhíonn na páistí ag foghlaim ón tús. Bíonn siad ag caint, ag canadh, ag foghlaim rannta, ag spraoi, ag cur lena stór focail chomh maith le frásaí Gaeilge. Foghlaimíonn siad a gcuid scileanna léitheoireachta agus scríbhneoireachta as Gaeilge. I ndiaidh na Naíonán Móra, tosóidh siad ag foghlaim léitheoireacht agus scríbhneoireacht an Bhéarla. De réir an taighde idirnáisiúnta aistreofar na scileanna léitheoireachta agus scríbhneoireachta a d’fhoghlaim siad as Gaeilge go nádúrtha go dtí an Béarla. Brúigh an nasc thíos i gcomhair tuilleadh eolais:

Scéim Aitheantais mar Scoil Ghaeltachta Eolas do Thuismitheoirí–