Bhí an t-ádh dearg le Rang 3 agus iad ag ceiliúradh Féile Galway TradFest! Bhí an-áthas orainn fáilte a chur roimh Becky Ní Éallaithe, a tháinig ar cuairt chugainn chun ceardlann spleodrach damhsa ar an sean-nós a reáchtáil dúinn.
Bhí deis iontach ag na páistí blaiseadh a fháil den traidisiún álainn seo, cúpla céim nua a fhoghlaim agus taitneamh a bhaint as rithim agus draíocht an cheoil thraidisiúnta. Bhí an-spraoi agus an-chraic againn ar fad!
Míle buíochas le Becky as an gceardlann iontach agus as an deis luachmhar seo a thabhairt do na páistí!
